Cardoso o hlakisa taba ya Mokoena a ipapisitse le menyenyetsi ya Al-Ahli

Mokwetlisi wa Mamelodi Sundowns Miguel Cardoso, o hlakisitse taba ya sebapadi sa mantlha sa sehlopha se sa qalang le papadi.

Cardoso, o hlalositse ha ho qala bankeng ha Teboho Mokoena, e le taba ya ho leka ho fetola dibapadi le ho fana ka monyetla ho tse ding.

“Tebza o qadile bankeng jwalo ka Fawaaz Basadien, Thapelo Morena le dibapadi tse ding tse neng di dutse bankeng fela jwalo ka dipapading tse ding,” ho realo Cardoso.

“Taba ya ho fetola dibapadi e mabapi le ho laola dibapadi le ho fana ka monyetla dibapading tse ding, ha hona lebaka le leng.”

BALA: Dithejane o ikwalla ka dibapadi tsa Chicago Fire ho kenyeletsa Lewandowski 

Ho utlwahala ha Mokoena a batlwa ke sehlopha sa Al-Ahli ya Saudi Arabia e kile ya utlwahala e le mehlaleng ya hae ka mora mohope wa lefatshe.

Le ha hole jwale, ka bobedi dihlopha disa thotse ka taba ena ho kenyeletsa kampo ya Mokoena eo e leng sebapadi sa bohlokwa sehlopheng sa Mamelodi Sundowns.

Sundowns e tla bapala kgahlano le Golden Arrows ka sontaha le ha dihlopha tse ding diqala ka leeto la CAF Champions League mafelong a beke.

BALA: Nkota o kgutlela lapeng ka kadimo ya selemo