Sethibathibane sa Cape Verde se thonngwa dikgaung tsa Ballon d’or

Sethibathibane sa naha ya Cape Verde Josimar José Évora Dias ya tsejwang ka Vozinha, o thongwa dikgaung tse kgolo lefatsheng tsa Ballon d’or.

Sena ka mora tshebetso eo a e bontshitseng mohopeng o fitileng wa lefatshe dinaheng tsa America, Mexico le Canada ka kopanelo.

Vozinha ya dilemo di 40, o hara dithibathibane tse hlwahlwa lefatsheng tse qothisanang lehlokwa bakeng sa kgau ya 2026 Yashin Trophy.

Vozinha o bapetse dipapadi tse nne kaofela mohopeng wa lefatshe mme a bapala tse pedi ntle le ho hlajwa ntlha.

BALA: SAFA e hlwaya Morena Ramoreboli jwalo ka motlatsa mokwetlisi

4 Matches

2 Cleansheets

5 Goals Conceded

18 Saves

Hara dibapadi tseo sebapadi sena se ipabotseng ka makgabane ho tsona, ke papadi kgahlano le Spain moo papadi e fedileng ka maleka a 0 – 0 le papadi kgahlano le Argentina moo ba hlotsweng ka 2 – 3.

Vozinha ke karolo ya dithibathibane tse tharo tse emetseng Afrika mokgahlelong wa dithibathibane.

🇨🇻 Vozinha — Cape Verde

🇲🇦 Yassine Bounou (Bono) — Morocco

🇸🇳 Édouard Mendy — Senegal

Sebapadi sena kesa pele sa naha ya Cape Verde ho thonngwa bakeng sa dikgau tsena tse kgolo lefatsheng la dipapadi.

BALA: Lebitso la Zwane le tlola menyenyetsing ya bokwetlisi ba sehlopha sa naha