Shalulile o tswelapele ho hlaba dintlha sehlopheng se setjha 

Sebapadi sa mehleng sa Mamelodi Sundowns Peter Shalulile, o tswelapele ho etsa menyakwe sehlopheng sa hae se setjha.

Sena ka mora hore sebapadi sena sa naheng ya Namibia, se hlabe ntlha papading ya sona e fitileng.

Sehlopha sa Young Africans, sene se thulane le JKT Tanzanian moo Yanga e hlotseng papadi ka 4 – 0.

Shalulile, o hlabile ntlha ya bone ya sehlopha e bile e le ya hae ya bobedi sehlopheng le ha e le ya pele dipapading tsa sehla.

Shalulile le mokwetlisi wa hae Manqoba Mngqithi, ba ka hodimo tafoleng ya dihlopha ka mora dipapadi tse tharo.

Sehlopha sa Simba tlasa bokwetlisi ba Steve Barker, e dutse boemong ba bobedi ka ditlholo tse tharo.