Chiefs e busetsa molamu sefateng kgahlano le Siwelele

Sehlopha se dutseng boemong ba boraro sa Kaizer Chiefs, se hlotse sa Siwelele ka 3 – 2 papading e neng e tuka malakabe thapameng ya sontaha.

Chiefs e ne e amohotse Siwelele lebaleng la Dobsonville moo e buseditseng molamu sefateng ka mora hore Siwelele seba hlole sehleng se fitileng.

Dintlha tsa Chiefs, dikene ka Mfundo Vilakazi karolong ya pele ya papadi le Wandile Duba karolong ya bobedi mme ntlha ya boraro e kene e le lerumo [own goal] ka sethibathibane sa Siwelele ka mora bolo e koropeditsweng ke Faiz Abrahams.

BALA: Mosimane o tsibisa mabitso a 35 ho kenyeletsa a 10 a dibapadi tsa mose

Dintlha tsa Siwelele, dikene ka Aphiwe Baliti le Michael NGuessan ya neng a qala ho bapala a kena a tswa bankeng.

Chiefs, e dutse boemong ba boraro ka dintlha tse 11 ka mora dipapadi tse 5 mme ke se seng sa dihlopha tse tharo tse so lahlehelwe.

5 Matches

3 Wins

2 Draws

11 Points

Sebapadi sa Chiefs se bitseditsweng lenaneng le qalang la dibapadi sehlopheng sa naha [Preliminary squad] Lebohang Maboe, e bile yena sebapadi sa letsatsi.

BALA: Pirates e qala dipapadi tsa kontinente ka ho bapala maleka